أضواء

كيف أحيت ابنة إبراهيم يسري ذكرى وفاة والدها؟

أحيت هنا إبراهيم يسري، ابنة الفنان الراحل إبراهيم يسري، ذكرى وفاة والدها، بالحديث عن كم الألم الذي تشعر به بسبب افتقادها الشديد له.ابنة إبراهيم يسري

نشرت “يسري” عبر حسابها الشخصي على موقع تبادل الصور “إنستجرام” صورة والدها، وعلقت عليها كاتبة: “٤ سنين.. في نفس الوقت ده بالظبط من ٤ سنين، صحيت على خبر غيرلي حياتي كلها، و من ساعتها و الحياة عمرها ما رجعت زي الأول ولا عمرها هترجع، أنا بقالي أسبوع مراهنة نفسي إني مش هحط صور ولا أكتب حاجة ولا حتى أفكر في الموضوع بس خسرت الرهان كالعادة”.

تابعت: “اااااااااه.. وحشتني أوي يا هيما، أوي أوي، الحياة من غيرك صعبة، صعبة أوي، عمري ماعرفت ولا فهمت معنى الوحشة دي غير لما سبتني، عمري ما فهمت معني الابتسامة التي فيها وجع غير بعدك، وحشتني ضحكتك الحلوة بزيادة، وحشني حضنك، وحشني حنيتك عليا، وحشني سؤالك عليا ودلعك ليا، وحشني حسك في البيت، وحشني إني أروح وأدخل عليك وأتكلم معاك، ساعات بكون ماشية في مكان كنا بنروحه كتير مع بعض أو أشم رحتك في مكان فجأة، فجأة بحس إن قلبي اتعسر، من كام يوم حلمت بيك نفس الحلم اللي بحلمه علي طول أنك بتقولي أنا لسه موجود يا نونو بس المرة دي الحلم كان حقيقي بزيادة لدرجة إني صحيت ببص حواليا عشان افتكرت إنك موجود بجد”.

أردفت: “أنا مبقتش أنا من ساعة ما سبتني يا بابي، الوجع هدني، وكبرني الـ 3 سنين اللي فاتوا مكنتش عارفة ولا قادرة أرجع لحياتي الحرفية وقفت من بعدك، مؤخرا بس بدأت أكون أحسن، عارف ليه؟ عشان شيفاك وأنت بتقولي.. أنتي عبيطة يا نونو؟ بتعيطي ليه يا حبيبتي، فـ كل ما أجي أعيط، أفتكرك وأضحك و أبطل عياط عشان والله العظيم أنت لسة معايا، أنا كل ما بفرح أو يحصل حاجة جديدة في حياتي، بجري عليك أحكيلك، كل لحظة أنت في بالي و لسه بشارك معاك كل حاجة ويمكن أكتر كمان”.

تابعت: “اللي مصبرني حب الناس الزيادة ما شاء الله ليك يا بابي، أنا في ناس بتحبني من غير ما يعرفوني لمجرد إن أنا بنتك، والله كمية الكلام الحلو اللي بيتقال عليك وكمية حب الناس ليك مش عادي، من جوة ومن بره الوسط، يا رب تبقى عارف وحاسس، كل يوم بعرف عنك حكايات تخليني فخورة أكتر وأكتر إني بنتك أنت مش بنت أي حد تاني، أنا راسي مرفوعة بسببك لفوق أوي يا بابي، أشوفك علي خير يا حبيب قلبي ونور عيني”.

View this post on Instagram

٤ سنين.. في نفس الوقت دة بالظبط من ٤ سنين صحيت علي خبر غيرلي حياتي كلها.. و من ساعتها و الحياة عمرها مرجعت زي الاول ولا عمرها هترجع ..انا بقالي اسبوع مراهنة نفسي اني مش هحط صور ولا اكتب حاجة ولا حتي افكر في الموضوع بس خسرت الرهان كالعادة. اااااااااه.. وحشتني اوي يا هيما.. اوي.. اووووي.. الحياة من غيرك صعبة!! صعبة اوي. عمري معرفت ولا فهمت معني الوحشة دي غير لما سبتني.. عمري مفهمت معني الابتسامة الفيها وجع غير بعدك..وحشني ضحكتك الحلوة بزيادة،وحشني حضنك،وحشني حنيتك عليا،وحشني سؤالك عليا و دلعك ليا،وحشني حسك في البيت،وحشني اني اروح و ادخل عليك و اتكلم معاك.. وحشني صوتك.. سعات بكون ماشية في مكان كنا بنروحه كتير مع بعض او اشم رحتك في مكان فجأة، فجأة بحس ان قلبي اتعسر… من كام يوم حلمت بيك نفس الحلم البحلمه علي طول انك بتقولي انا لسة موجود يا نونو بس المرة دي الحلم كان حقيقي بزيااادة لدرجة اني صحيت ببص حواليا عشان افتكرت انك موجود بجد.. انا مبقتش انا من ساعة مسبتني يا بابي.. الوجع هدني.. و كبرني..ال ٣ سنين الفاتوا مكنتش عارفة ولا قادرة ارجع لحياتي الحرفيا وقفت من بعدك.. مؤخرا بس بدأت اكون احسن.. عارف ليه؟ عشان شايفاك و انت بتقولي "انتي عبيطة يا نونو؟ بتعيطي ليه يا حبيبتي" ف كل م اجي اعيط، افتكرك و اضحك و ابطل عياط عشان ولله العظيم انت لسة معايا.. انا كل مبفرح او يحصل حاجة جديدة في حياتي، بجري عليك احكيلك.. كل لحظة انت في بالي و لسة بشارك معاك كل حاجة و يمكن اكتر كمان..المصبرني حب الناس الزيادة مشاء الله ليك يا بابي. انا في ناس بتحبني من غير ميعرفوني لمجرد ان انا بنتك.. ولله كمية الكلام الحلو البيتقال عليك و كمية حب الناس ليك مش عادي.. من جوة و من برة الوسط..يا رب تبقي عارف و حاسس.. كل يوم بعرف عنك حكايات تخليني فخورة اكتر و اكتر اني بنتك انت مش بنت اي حد تاني..انا رأسي مرفوعة بسببك لفوق اوي يا بابي..اشوفك علي خير يا حبيب قلبي و نور عيني..

A post shared by هنا ابراهيم يسرى (@hanayousry) on

ابنة إبراهيم يسري

نرشح لك: شاهد: ابنة إبراهيم يسري تغني لـ آمال ماهر

نرشح لك: بالعقل حلقة (8) .. الناس اللي قطتها جمل

الوسوم

كاتب

انطلق موقع إعلام دوت أورج نهاية نوفمبر 2014 ليكون أول نافذة إلكترونية متخصصة في متابعة شؤون سوق الميديا في مصر، ويركز الموقع على متابعة أخبار وكواليس القنوات المصرية أو تلك العاملة في مصر مع متابعة ما يهم القارئ المصري من أخبار القنوات العربية وغير العربية بجانب المحطات الإذاعية، وتمتد تغطية الموقع لتشمل القضايا المتعلقة بالصحافة المطبوعة والإلكترونية وكل ما يربط بين الصحافة والإعلام من جهة ومواقع التواصل الاجتماعي من جهة أخرى.
إغلاق
إغلاق