رؤية

عبد الله غلوش يكتب: غلوشيات رمضانية (8)

– اذكر آخر عمل شارك فيه محمد كريم ونجح؟
 
– الغريب ان كل اللي كانوا بيتكلموا على عنصرية إعلانات بريل السنتين اللي فاتوا، هما أكتر ناس عاجبهم إعلانات فريش السنة دي.
 
– يوما بعد الآخر، يثبت سلطان “ريح المدام” تفوقه على سلطان “خلصانة بشياكة”.
 

– عزومة واحدة كفيلة إنها تقضي على خريطتك الرمضانية نهائيا.

 

– حتى الآن، مش لاقي سبب واحد يخليني اقتنع بضرورة تصوير “في الـ لا لا لاند” في تايلاند.
 
– حلاوة الدنيا.. أول مرة أحب فيها الممثل ظافر عابدين.
 

– كل ما اتفرج على “الجماعة 2” اسأل نفسي.. هو عبد الناصر كان over act كده؟

– الزيبق .. الحلقة 7 أفضل حلقات المسلسل حتى الآن.
 
– لأعلى سعر .. كل راجل يخاف على واتس ابه من النهارده.
 
– لأعلى سعر .. كنت متوقع نبيل الحلفاوي يعطي قيمة واضافة للمسلسل أكتر من كده.
 
– لأعلى سعر .. تقريبا هاني رمزي “غبي منه فيه” الراجل الوحيد اللي مخذلش نيللي كريم من ساعة ما بدأت تمثل.
 
– “حديث عن حديث” لخالد الجندي ورمضان أبو المعز على الراديو 9090 .. واحد من أفضل البرامج الدينية اللي ممكن تسمعها في حياتك.
 
– عفاريت عدلي علام .. بدأت أتاكد أن مشكلة عادل إمام في يوسف معاطي قبل ما تكون في أي حاجه تانية.
 

-إحساس اللي يتفرج على ماتش زاناكو والقطن ويتفرج بعده على نهائي الشامبيونز ليج.. زي اللي يتفرج على إزي الصحة ويشوف واحة الغروب بعده.

– المصريين كانوا منتظرين رونالدو بعد ما يرفع الكاس يقول ريال مدريد من حديد.. رمضان 2017.
 
– لا تطفئ الشمس.. ميرفت أمين جوزت بناتها التلاته في حلقة واحدة.
 
– هي أمينة خليل كده لازم تقع واقفه كل سنة.. تعليق فتيات تويتر علي جوازها من أحمد مجدي “لا تطفئ الشمس”.
 
– كمية الفرو اللي لبسته ياسمين صبري في “الحصان الأسود” ، أكتر من البطاطين اللي وزعها عمرو أديب في حملة “مصر الدفيانه”.
 
– الجميل في إعلان أورانج، إن أم هنيدي مخدتش بالها إنه جاب لها الكنافة ونسي المهلبية.
 
– هذا المساء.. بعد ما تشوفه يبقى أهون عليك ترمي موبايلك لما يبوظ بدل ما تروح تصلحه.
– أكاد أجزم، إنه لولا التريند والترافيك والخوف من الشوشرة، مكنش استمر عرض “كفر دلهاب” لغاية النهارده.
 
– امتى يبقي عندنا قناة عندها القدرة على إنتاج برنامج في حجم وقيمة ورسالة “قمرة2″؟

– رمضان السنه دي أثبت إن في ممثلات وفي هند صبري.

– أنا ممكن استحمل أي حاجة، بس أفضل أشوف بصة الحب دي في عينيك .. منه شلبي”واحة الغروب”.
 
– “كل شخص عنده نقطة ضعف مش مهم تكون غلطة غلطها، ممكن تكون حاجه عايز يوصلها ومش قادر .. ياسر جلال “ظل الرئيس”.
 
– والقلب اللي مابيحبش يبقي خسارة يعيش .. أصالة “لا تطفئ الشمس”.
 
– ربنا يرحمك يا أمي ويرحم أمهاتنا جميعا ويخلي أمهاتكم يارب.
 
 
 

شاهد الحلقة السابعة من المسلسل الرومانسي الكوميدي (الحب الحب)

الوسوم
إغلاق
إغلاق